برجوازية Vs جذرية

ديمقراطية الانتخابات دي ما بتأكلش عيش

روحت اللجنة وعلمت على ابو الفتوح ، لكن ما اتكيفتش غير لما أديت فروض الديمقراطية الجذرية الثورية

.....

غمست صوباعى الوسطى بغلّ في الحبارة الفسفورية علشان أشهره في وش أي حد من أنصار شفيق

خرجت من اللجنة لقيت اللوا العصار وصحبة بدل ميري وملكى خارجين من لجنة وداخلين اللجنة اللى انا طالع منها

وقفت الطريق وهتفت ضد المجلس وحكم العسكر

محدش هتف معايا بس في ناس كانت بتشجع

....

والحمد لله محدش قال الجيش والشعب ايد واحدة