Sunday, November 2, 2008

مانشيت

جولة في صحف مصر الصادرة يوم وفاة مبارك الأب
الأخبار : وفاة الرئيس تنهى الشائعات حول توريث الحكم للسيد جمال مبارك في حياته
الأهرام: السيد جمال مبارك يتقدم جنازة الرئيس مبارك بصحبة لفيف من القيادات الشعبية
الجمهورية : وعد فأوفى.... وظل يحكم حتى آخر العمر
"الدستور : تفاصيل محاكمة ابراهيم عيسى في قضية "وفاة الرئيس
البديل : تقرير حقوقي يرصد 12 حالة تحرش في جنازة الرئيس
المصري اليوم : تفاصيل الساعات الأخيرة في حياة الرئيس مبارك
موقع مصراوي : أنباء عن وفاة الرئيس مبارك
"نتيجة معهد اعدام الفدائيين فقط على انترنت مصراوي"
الوطنى اليوم : جمال مبارك :مسيرة الاصلاح مستمرة ولا مساس بمحدودي الدخل
روزاليوسف : بالوثائق والمستندات الجماعة المحظورة تتورط في قتل الرئيس مبارك
جريدة الأهالى: مخطط الإخوان المتأسلمين للإستيلاء على السلطة
إخوان أون لاين : مساءلة لعلاء الأسوانى حول روايته الجديدة
*******
فكرة معادة أو مكررة
فكرة سخيفة أوسقيمة
المهم أنها راودتني في لحظة ملل

8 comments:

مصــــري said...

أخي تشي

كما ذكرت الفكرة معادة
ولكنها عبقريتك في الكتابة وبصمتك الأساسية واضحة في النص.

أشد ما أعجبني هو مساءلة علاء الأسواني تلك.

تحياتي
أسامة

Empress appy said...

هتتحبس ربنا يستر ابراهيم عيسى لسه طالع

بس عموما حلوة تفتكر ممكن تحصل

Anonymous said...

وربنا وربنا وربنا انت جامد يابنى

عايزك تبلور نفسك وتبقى صحفى جامد ولا محمود السعدنى
يالا بلا باااااااااااى

نوسه وريمان فى هاكونا مطاطا said...

ههههههههههههه

ده ايه الجمال ده

منا شاء الله

على فكره اسلوبك فى عرض الموضوع لذيذه

بس زى ما قالت آبى هتتحبس

tarek momen said...

الملل و الا الامل

Che_wildwing said...

مصري
ربنا يكرمك يابنى
ويديك على قد ما بتثبتني
يعجبني كلك ...كلك عاجبني



آبي هانم
صدقينى أكيد هتحصل
المانشيتات
الحبس ما اعتقدش
وما احبذش

"المجهول "اسلام
هبلور نفسي حاضر
بس زي مانت عارف الجرايد مابتقدرش المواهب
ماتكتشفني انت وينوبك ثواب


حسام وريمان
ربنا يكرمك يا حسام
ربنا يكرمك ياريما
آبي تقول اللى هي عايزاه
وامن الدولة عارف شغله

أستاذ طارق
الاتنين اعداء
بس الغريبة ان الاتنين متمكنين مني

وائل مصطفى said...

مهما كانت الفكرة مكررة فهى ليست حكرا على احد

وعادة ما اجدها فكرة جذابه

وخد دول

ــــــــــــــــــ


النباء : اسرار وجود البيكينى فى حفله التابين الخاصه بالسيد الرئيس

وشوشه : بالصور .. جمال مبارك يتبادل القبلات بعد العزاء مع زوجه الوزير و فى نص الليل

الفجر : سر الخلاف بين القس سرجيوس والشيخ اسماعيل على احقيه كل منهم بالصلاة على السيد الرئيس

Che_wildwing said...

وائل باشا
ربنا يسعدك على قد ما بتسعدنا بمشاركاتك اللى تفطس من الضحك
روح يا شيخ وتعالى في تاكسي
على حسابي