Sunday, October 19, 2008

استر

دراسة جيولوجية تحذر من «دويقة جديدة» في شرم الشيخ
وانهيار هضبة «أم السيد» علي 100 مشروع سياحي
بالطبع هذه دراسة مغرضة
أو قام بها مجموعة من الهواة
فهم لا يعرفون الفرق بين الدويقة وشرم الشيخ
ففي الدويقة تنهار الصخور على رؤوس الفقراء
قضاء وقدر
ولكن في شرم الشيخ أكيد ....أكيد
ربنا بيستر

7 comments:

Mina said...

طبعا ياعم اكيد ربنا هايستر انت بتتكلم في ايه لازم ربنا يستر هو اي اي ولا زي زي مش المثل بيقول كل برغوت علي اد دمه وبعدين اش جاب المعفنين (سوري يعني ) بتوع الدويقة للناس الهاي كلاس اللي عندهم ثقافة استخدام الحمامات بتوع شرم
ياعم قول ياباسط

AHMED SAMIR said...

وهو انت فاكر ان الدويقة هي اخر الكوارث؟؟؟؟
ولــــــــــــــــسة
تحياتي

مصــــري said...

أخي تشي

أولا ملحوظة رفيعة انا اكتشفت انك "سوفاج" زي حالاتي يعني عشان قولت شرم الشيخ

الناس التوب بتقولها شرم بس
والحمد لله ان مفيش شيوخ هناك
ههههههههههههه

وبعدين يا أخي نحن في بلد أمم في القضاء والقدر.
فلا تتعجب

تحياتي
أسامة

Mahmoud said...

اشوفه يا رب مجرجرينه من تحت جبل اتهد ع دماغه
قولوا امين

انا حره said...

ربنا يستر يعنى هيا شارم مفيهاش ناس غلابه رايحه تشتغل عشان محتاجين فلوس

ولا هيا كلها بشوات

هشام علاء said...

حبيب قلبى

شرم الشيخ لها معايير اخرى تماما تجعلها فى معزل و مامن عن الكوارث الطبيبعية و غير الطبيعية

و بعدين قدر ان فيه انهيار صخرى حصل هناك

هيقضى على كام فيلا (طبع فرق كبير بين مساحات فيلات و شاليهات شرم الشيخ و مساحات عشش بورتو الدويقة)

و بعدين حتى لو حصل انهيار صخرى..ماهو احتمال وجود اهل الفيلل فيها عند حد\وث انهيار (بيروحوها كام شهر فى السنة اساسا) ده طبعا باستثناء واحد صاحبنا قاعد هناك على طول

و بالتالى و مما سبق نصل الى نفس النتيجة
التى توصلت لها مشكورا

و هى ان ربنا اكيد هيستر

و هو المطلوب اثباته

تحياتى
اخوك هش

مصطفي النجار said...

معاك حق طبعا