Sunday, June 22, 2008

انطوانيت

في العالم كله
تسعى الدول لحل أزمة القمح بتوفير البطاطس وإحلالها بديلا للخبز
وفي بلدنا العظيم
خرج علينا وزير الزراعة أمين أباظة قائلا
"إحنا شاغلين نفسنا بالعيش مع إنه بيجيب أنيميا.. كلوا لحمة وفراخ ولبن "
هل يعلم سيادته كم يبلغ سعر ما يتكلم عن وخاصة أسعار اللحوم
أو العجز في الدواجن بسبب أنفلونزا الطيور
أو فساد كميات اللبن المطروحة في الأسواق
سؤال آخر للسيد الوزير
تعرف ماري انطوانيت؟؟؟؟

8 comments:

بطوط حبوب said...

ههههههههههههههههههه
بتاعت الجاتوه
ياعالم يمكن يكون عارفها

EGYPT EYES said...

هههههههههههههه
يارجل بطل تسمع تصريحات وزراء مبارك أحسن يجرالك حاجه مش عايزين نخسر مدون يساري هما أساسا قليلين

mashahed said...

ماكانش جاتوه دا كان بيتي فور
ومافتكرش يعرف ماري أنطوانيت
looool

tarek momen said...

يمكن ثقافته فرنساوي و يمكن اصول العائلة ترجع للملك لويس الثالث عشر عموما ربنا يجعل مصيره زي مصير ماري انطوانيت
الجيلوتين

إيمــــان ســعد said...

يمكن روح مارى لبسته لو كان يؤمن بتناسخ الارواح

تحياتي على المدونة الرائعة

جمال عبد الناصر said...

أعتذر للإزعاج يا رفيق
يعنى إيه حارة زعتر فى حالة موت إكلينكى ؟
ماذا حدث بالضبط ؟ وما هو سبب الغلق ؟
هل ظروف مادية ؟ خلاف فى الإدارة ؟ أسباب أمنية بسبب تخبيطنا فى المقام السامى ؟
يا ريت توضح الأمور لأنى من عشاق الحارة وحزين على فقدانها ؟
أكرر أسفى على إزعاجك مرة أخرى

هبة النيـــــل said...

ههههههههههههههههه

عشان قالت ياكلوا جاتوه

بس الجاتوه أياميها كان أرخص من اللحمة واللبن دلوقت

يعني الباشا مرفه عن الحجة ماري أنطوانيت

رفيق القهوة العزيز

وحشتني كلمتك اللي أبرؤك من 100 كلمة مش عشرة بس

وعلى مالحارة ترجع دا ان رجعت شوفولنا حتة تلمنا تانية مؤقتا

بكلمك من مصر على فكرة

ومهما حصل لسه مصر فعيوني جميلة

Che_wildwing said...

د. حودة
واحشنى والله
اخبارك ايه
ماري انطوانيت بتاعت البتيفور
الجاتوه ده بتاع سعيد صالح
ياكلو بيتزا ياكلوا جاتوه ياكلوا كل اللى يحبوه


عيون مصر
منور يارفيق
المشكلة ان التصريحات بتطاردك وخاصة الحملة بتاعت نشغل عقلنا دي


مشاهد
شكرا للرفيق لتصحيح المعلومات
ومازلنا منتظرين الاجابة من معاليه

طارق مؤمن
لا أؤيد منطق الثقافة الفرنسية
بس ممكن يكون من اللى نط عليهم لويس


إيمان سعد
مورتينا يافندم ونتمنى تكرار الزيارات
ده مش تناسخ الارواح
ده تناسخ الكروش


جمال عبد الناصر
صدقنى لا اعلم الكثير عما جرى في زعتر
فقبل النهاية بايام قليلة
كنت قد اعتذرت عن الاشراف
وحين ورود معلومات جديدة سنوافيكم بها حالم وفورم


د. هبة السهيلى
يادي النور يادي النور
حمدا لله على السلامة
ومستنين زيارتك دائما
نورتى مصر