Tuesday, June 17, 2008

إيه ده إيه ده

في ألمانيا

يحدث تسريب في أحد الامتحانات

فيستقيل وزير التعليم

وفي مصر يحدث التسريب في امتحانات الثانوية العامة

وتتفاقم حالات الغش الجماعى

ولا نعرف سر الابتسامة التى يظهر بها وزير تعليمنا

قد تكون الابتسامة بحكم اسمه الذي يدل على مدى صبره

"فلا يخفى على أحد أن اسمه "الجمل

****************

"مرة أخرى تخرج علينا التصريحات "الحزبوطنية

"وهذه المرة على لسان الوزير عثمان محمد عثمان والشهير بـ"أبو بهاء

من يزيد دخله علي 167 جنيهًا شهريًا لا يعد فقيرا

تقول الحكمة

لوكان الوزير لا يتكلم إلا حقا

ولو كان الوزير يعرف بعض ما يتكلم عنه

لاختفت ظاهرة سب الدين في المجتمع المصري

*************

في جلسة مجلس الشعب بالأمس

وعلى حين غفلة من السادة الأعضاء

وفجأة صاح الوزير مرعي وزير العدل والملاكمة

وسط تعجب النواب

"أنا الوحيد الذي يعرف في مصر كيف يدير مرفق القضاء"

إلى الوراء

****************

قد يبدو غريبا توالى الأحداث الجسام في محافظة المنيا

منذ فترة قصيرة

بدأت بأحداث أبو فانا ونهاية بتسريب امتحانات الثانوية العامة

إلا أن المدقق في الأمر

يجد أنه محاولة لإستعادة المحافظ أحمد ضياء الدين مكانته التلفزيونية

وخاصة بعد ان ترك مكانه المفضل كرجل النفي الخاص بوزارة الداخلية

*****************

اقتراح قدمته المعارضة

بإعفاء كل مسكن خاص من الضريبة العقارية

فعرضه الدكتور سرور للتصويت

فوافق عليه نواب المجلس من المعارضة والحكومة

فتنحنح أحمد عز في مكبر الصوت قائلا

"إيه ده ....إيه ده"

فتراجع نواب الوطنى عن رفع أيديهم

وأعيد التصويت مرة أخرى فرفض الاقتراح

ونحن نسأل مع السيد أحمد عز

"إيه ده ....إيه ده"

15 comments:

Bella said...

يعني اعمل فيك ايه بس

من ساعة موضوع تسريب امتحانات الثانوية العامية دي وانا مفروسة وخصوصا ان الناس نايمة في الخط
مصيبة زي دي مفروض كانت تعتبر تهديد للامن القومي باعتبارها تهديد لمستقبل التعليم في مصر

بس طبعا التعليم اللى بقاله كذا سنة في خبر كان وموضوع الغش فيه مطلب قومي من سنين وزمن مش ح يفرق فيه يعني ان الامتحانات تتصور وتتباع على رؤوس الاشهاد واهو خللى الغلابة تستفيد يعني مش معقول سبوبة زي دي تمر من غير الناس ماتسترزق يعني ويابخت من نفع واستنفع

الطريقة التي رد بها الوزير في برنامج العاشرة مساء بابتسامته العذبة على اسئلة منى الشاذلي يستحق عليها الاعدام في ميدان عام رميا بالجزم القديمة

ده طبعا لو في بلد بتحترم نفسها

بس خلاص مصر عدت المرحلة دي من زمان قوي

ماليش نفس اعلق على باقي الكلمات

لاني من كتر القهر حاسة ان ضغطي مرتفع جدا

بس على فكرة انا متغاظة منك برضه

بقيت بتحط كلمات كتيرة مع بعضها

حرام عليك يااخي ارحم صحتنا

الواحد ح يلاقيها منين ولا منين

كل جزء في التدوينة محتاج صفحات وصفحات علشان يترد عليه

اعمل فيك ايه بقى؟؟

يمكن ارجع تاني

هه بس

تحياتي

truth searcher said...

أنا الوحيد الذي يعرف في مصر كيف يدير مرفق القضاء الى الورااااء

جامدة دي
عايزين نشوف تعليق حضرتك على المصايف والبلاوي اللى فيها

بجد كل حاجة في البلد اليومين دول .. و من زمان مش اليومين دول بس بقت تجيب الضغط... دا كفاية النت التقييييييل اللى يجيب الشلل دا

جزاكم الله خيرا
ووزع الكلام على كذا يوم ربنا يباركلك .. عشان كفاية الضغط مش عايزين السكر كمان

EGYPT EYES said...

والله الواحد ساعات بيتكسف لنواب الحزب الواطي دا الواحد منهم يحلف بإيمانات الطلاق ويعمل عنتر وهما الواحد فيهم مايحصلش حتى عبله

tarek momen said...

1= في المانيا الوزير عنده احساس بالمسئولية
في مصر الوزير عنده احساس بالتبلد
2= الوزير يؤمن بالحديث الشريف ان الفقير من اتي يوم القيامة وقد اذي الناس فيؤخذ من حسناته ويطرح عليه من سيئاتهم
ثم ان الغني غني النفس
3= من حق وزير العدل ان يقول ذلك فنحن نعيش في بلد الوحيد
4= قريبا قد ينفي السيد احمد ضياء الدين ان هناك محافظة اسمها المنيا من اساسه
5=هذا السؤال موجه للسيد عز ام لاعضاء الحزب ام للسيد رئيس مجلس الأنس

tarek momen said...

بالمناسبة لك واجب عندي في المدونة
حبذا لو تمر لتاخذه
شكرا

rede-agle1917 said...

ايه يا عم الجرعات المكثفة دية

انا سنايبر باركلي على البلوج الجديد و قولي رأيك
بالمناسبة انا لسة بجهز فيه

سبهللة عالاخر said...

كله كوم واخر كلمة دى كوم تانى
خلاص هى بقت على المكشوف كدة
ولا جمال ناوى يتنازل عن الحكم لاحمد عز ولا هو ماسك عليهم زلةولا ايه؟؟
وبعدين تسريب الامتاحانات ددة مش اول سنة السنة دى

Anonymous said...

إذا إستقال وزير التعليم سيفتح الباب لمطالبة كل مسؤل أن يكون عنده دم و يستقيل إذا تكشفت له فضيحة فى عمله
و طبعا هذا لا يرضى مبارك

شاب مطلوب منه يقول امين said...

يا تشي انا كنت علقت عندك قبل كدة بعنوان على اللايف جورنال ابقى امسحه و ده خلاص بروفايل البلوج الجديد بتاعي

che-sniper

شهرزاد said...

أعتقد إن إحدى شروط تعيين الوزراء أن يكون ذو ابتسامة عريضة وبراءة الأطفال في أعينهم
المشكلة اننا بنشتكي بلسان أخرس لأذن صماء
لنا الله
ده أول تعليق لي في مدونتك لكنها ليست الزيارة الأولى تشرفت بزيارتي للمدونة تستطيع أن تصف الموقف في كلمات قليلة لتصل إلى المضمون
تحياتي

جمال عبد الناصر said...

حارة زعتر راحت فين يا رفيق
إيه سبب غلق المنتدى ؟
يا ريت لو عندك معلومات تبلغنى ضرورى

Che_wildwing said...

أالساة الكرام شرفتمونا بتعليقاتكم
ونأسف للتأخر في الرد


بيلا
منورانى دايما يافندم
بس مضايق منك ومن قلة تدويناتك
الجماهير كلها بتنادي
عودي يابيلا
وبخصوص الثانوية العامة
فقد كان المثل المصري القديم يقول
مالك حزينة ياولية
قالت غالى والدروس الخصوصية
من الظلم اننا نحط المشكلة بين ايدين الجمل
فالجمل مجرد واجهة ضاحكة للظهور على الناس
والخطة تدار بمهارة كمن يلعب بعرائس الماريونت
ولا تذهبي بفكرك للي بالي بالك
العملية اكبر من كده بكتير


truth searcher
نورتنا في اول زيارة وسعيد بنوال اعجابكم
وبخصوص المصايف
فالمشكلة ليست في جودتها أو سوءها
المشكلة في عدم توافر مكان لمحدودي أو مهدودي الدخل
والمصايف هذا العام تتلخص في رحلات اليوم الواحد


عيون مصر
فكرتنى بالفزورة بتاعت الرقاصة اللى مابتغنيش
عشان صوت المرأة عورة
نواب الحزب عملوا كل حاجة
جت على دي


طارق مؤمن
في مصر الوزير معندوش احساس اصلا
او بيحس بناء على تعليمات السيد الرئيس
فعلا الغنى غنى النفس
بتشديد النون
السؤال موجه لمن يهمه الأمر
ولكن السؤال هنا
من يهمه الأمر
بخصوص التاج سيتم الاجابة عليه قريبا
دعواتكم بالنجاح

سنايبر
منور
ومبروك علىالبلوج الجديد
ربنا يجعهلا فتحة خير عليك

سبهللة عالآخر
أحمد عز بالفعل يحكم مصر من الخفاء وهو المتحكم في جمال وابوه
وبخصوص الثانوية العامة وتكرار حوادث التسريب
فالمرة تلك تعد الأكثر تبلدا في تاريخ الحكومة
نورتينا يافندم


المجهول
نحن لا نرضى باستقالة وزير وقطع عيشه


سنايبر تاني
خلاص ياعم شفنا البلوج
شغلانة بقى ولا ايه
مبروك يازوق


شهرزاد
فعلا الابتسامة من خصائص الوزير
وهذا اعتراف من النظام دوما بأنه بيضحك علينا
نورتينا يافندم ونتمنى أن تتكرر الزيارات والتعليقات
تحياتى
تشرفنا


جمال عبد الناصر
حارة زعتر تعد الان في مرحلة الموت الاكلينيكي
اقرا الفاتحة
تحياتى
نورت

Bella said...

انا موجودة ياتشي ياخويا

بس مكتئبة قوي ومش عارفة اكتب بقالي فترة

مواويل الثانوية العامية دي ازعجبتني جدا الحقيقة

ونفسي اكتب كذا موضوع عنها بس عايزة اروق دماغي الاول

حاسة ان دماغي فيها شواكيش ومطارق

اعمل ايه بس

بعدين ياعزيزي انا عارفة ان مواويل التعليم اكبر بكثير من الجمل والقطة ومن كل واحد بخ في الوزارة دي بخة صغيرة

وعارفة ان المخطط كبير وشغال على قدم وساق والبركة في لجان الجودة وخلافه

بعدين بقى نبقى نفنن شوية تفانين

انت بس لما تظهر اونلاين ابعت لي ع الفيس بوك رسالة علشان اعرف انك موجود

وح احاول اكتب

بس دعواتك

غصب عني والله

تحياتي

جمال عبد الناصر said...

إزيك يا رفيق
إسمح لى أن أدعوك للإنضمام إلى تلك المجموعة على الفيس بوك .. يشرفنا وجود قلمك معانا .. أتمنى ذلك حتى نتمكن من متابعة كلماتك اللى أبرك من عشرة
http://www.facebook.com/group.php?gid=17559565605
تحياتى لك

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛