Monday, November 24, 2008

بابا أوباما

هناك شعوبا في خضم رخاءها

تصنع تغييرا يثبت أنها جديرة بالحرية

وهناك شعوبا مهما اشتد عليها الأذى والكرب

لا تعرف للصمت والسكون والمذلة بديلا

لذا كان من حق الأولين أوباما

وكان من نصيب الآخرين جيمي وبابا وماما

8 comments:

مصــــري said...

أخي تشي

الناس دي اتعلمت الصمت
اتعلمت الذل
اتعلمت "ياعم خلينا جنب الحيط"

السلبية ثم السلبية والمزيد من السلبية هو شعار الناس.

أتمني أن يخرج من يكون ايجابياً
ويجلس مكان بابا أو جيمي

أسامة

اهو ده عيبه said...

ياريتها على اد جيمى وماما وبابا
دى داخل فيها حسبة كبيرة وكلهم بيقسموا التورتة على هواهم

AHMED SHAHEEN said...

يا استاذى انا شايف ان احنا عيبنا الحقيقى فعلا ان كل واحد فينا بيقول الشعب خايف

80 مليون بيقولو ما فيش فايده

لو طلعت اتوبيس حتلاقى واحد بيشتم فى الشعب ويقول الله يخرب بيته

لو دخلت جوا كل بيت حتلاقيهم بيقولو حراام

وحتلاقيهم بيصرخو الصراخ الابكم

والاصم

طب اما ال80 مليون مش راضيين

وال80 مليون مش عاجبهم الوضع

وال80 مليون بيقولو الناس خايفه وعايزين يربو العيال



ليه الناس مبتتحركش ؟ تسألنى .. اقولك معرفش !!!


مشكلتنا مش جيمى ولا بابا ولا تاتا

مشكلتنا هى انت وانا

مشكلتنا هى احنا

Che_wildwing said...

مصري
الناس دي ما اتعلمتش
الناس دي اتفرض عليها
الناس دي شربت الذل لحد لما طفحت الدم
احنا مش محتاجين لشعب ايجابي
بقدر ما نحتاج لشعب عنده دم
شعب عنده احساس
شعب يعرف لأ
بس عايزين دكتور فوناتكس


استاذة داليا باشا هانم
منورانا يافندم
وأحب اطمنك ان الحسبة كل يوم بتزيد
ماشاء الله الموالسين والمنتفعين كل يوم بيزيدوا واحد
حتى ابقى اقري الجمهورية ومقالات محمد على ابراهيم خاصة


احمد شاهين
مش محتاج اقولك حكم وامثال من نوعية
مت شجاعا لتحيا أبدا
ولا هي عيشة ولا اكتر
بس من الواضح ان احنا برضه مصممين على المثل القذر اللى بيقول
عيش جبان تموت مستور
الناس مابتتحركش عشان بتحاول تاكل عيش وتربي عيالها
انما لما الواحد يبقى لا عارف ياكل عيش وعياله ولاد كلب ومش متربيين
يبقى يسكت ليه بقى

EmY said...

فعلا في شعوب دا~مة الصمت و التغير مش بيجي غير لما صو الشعب يعلي

تحياتي

أحمد هتلر said...

لم يكتسب الشعب الامريكي الحريه بين ليله وضحاها ..
عد بالزمن 70 عاماً للوراء
واقرأ عن حزب الوفد والحركات الليبراليه المتحضره فى مصر ..
الكبت اللى احنا عايشين فيه
اتفرض عليه ولو رفضناه نبقى كفره
مممم انا مؤمن بالليبراليه وبالعلمانيه
وشايف انها هيا الطريق للحريه
لما نتعلم كلنا نحترم بعض
لما نتعلم ان المنصب للاصلح
لما نتعلم حريه الاختيار

ياراجل ده انا كنت بتفرج على قناه من كام يوم
موقفين واحد فى الشارع
وبيقولوله ايه رايك ان جمال يمسك الحكم
قالهم ده لازم طبعا يمسك الحكم
ده ابن الرئيس وعارف البلد ماشيه ازاي
وهوه اكتر واحد هيفهم لان ابوه رئيس !!!!

قشده
وعايزين نتجابل تاني يا ولد العم
ونقعد نتخانق تاني لووول

Foxology said...

ياريتهم كانو 3 بس :))

تحياتى :)

Don_Lochy said...

شعبنا بتاع كلام عارف00احنا مستنيين شعب من بره ييجي يجيبلنا حقنا 000او الحل التانى وهو الطير الابابيل


يا فرعون ايش فرعنك 00000مالقيتش حد يدينى على دماغ اهلى