Saturday, September 27, 2008

الماس ...المصري

نشاهد دوما تجار المخدرات في الأفلام
وهم يكمنون لمصر وشبابها "اسم الله على شبابها" العداوة والحقد
ولكن في إعتقادي أن تجار المخدرات في مصر هم من أسعد ساكنى المحروسة
أذكر أن أحدهم صارحنى مرة بقوله
لو لم أكن مصريا لوددت أن أكون مصريا
أما الآخر فجاب من الآخر وقال
طول ما المغفلين موجودين يبقى نحمد ربنا
**********
المسرح القومي يحترق
وتصريحات "الماس الكهربي" تنهال علينا
أشفق على حكومات مصر السابقة
لا أعرف بماذا كانت تبرر اندلاع الحريق
في زمن ما قبل الكهرباء

8 comments:

A.SAMIR said...

المغفلين طول عمرهم هيفضلوا موجودين لان من مصلحة ناس كتيـــــــــــــــر قوي في البلد دي ان المغفلين يزيدوا
تحياتي

Geddo Iskandar said...

في زمن ما قبل الكهرباء كان فيه السجاير (التدخين تم إختراعه قبل إكتشاف الكهرباء) و قبل كدة كان فيه لمض الجاز الله يجازيها و قبل كدة كان فيه البرق ربنا يخليهولنا و قبل كدة كان فيه الإنسان الأول أبو زلطتين !!

Bella said...

الواحد مفروس ومش عارف يقول ايه

يعني مابين تبرير القضاء والقدر واللعب على هذا الوتر حتى لايعترض احد

وبين تبرير الماس الكهربي المظلوم

وماذا عن باقي الكوارث التي لم يشارك في صنعها الماس الكهربي؟؟

يبدو ان اعوانه كثير هذا الخلبوص

هههههههههههههه

jehan said...

والله انا اول ما شفت الى حصل او قريت الخبر وانا متغاظة يعنى هو فاضل اية فى البلد غير الشعب انهم يتبادوا

شئ غريب هو احنا فاضل اية تانى علشان نسكت ولا فاضل اية تانى علشان الحكومة دى تفضل موجودة

هبة النيــل said...

لا ما تقلقش

كان فيه "عقب سيجارة "....طائش

كلام على بلاطة said...

;كل عام وانت بخير

Che_wildwing said...

احمد سمير
عندك حق في ناس كتير جدا قالتلى نفس الجملة
فئات مختلفة من الناس تعيش على قفا فئات آخرى


جدو اسكندر
طمنتنى ياشيخ انا بس كنت متضايق ان الوزارات القديمة مش هتعرف تبرر الحرايق


بيلا
المشكلة مش في كده بس
ياريت تيجي على قد كده
دول بيطلعوا الناس هما اللى غلطانين
واحنا السبب
احنا
احنا ولاد كلب


جيهان
أنا مقدرش أجاوبك على السؤال ده
لان الحكومة دايما بتقدملنا كل ماهو جديد في مجال الكوارث
والمصريين بيقدموا كل ماهو اجدد في مجال التناحة
نستنى الايام ونفضل زي ماحنا حاطين ايدنا على خدنا

هبة النيل
وهي الحجج هتخلص
ولا الحكومة هتغلب
وخاصة مع شعب طيب زي حالاتنا



كلام على بلاطة
وانت بالصحة والسلامة ياباشا

Foxology said...

اااااااااااه تصدق صح ... قبل كدة كانو بيقولو الحريقة سببها ايه ؟؟؟؟

بس اللى انا نفسى افهمه .. منين ماس كهربائى ومنين الكهربا اساسا بتقطع كل شوية فى كل حتة ؟؟؟؟؟