وجدتها .. وجدتها
عرفت لماذا اختار النظام الحاكم "عبد العظيم وزير " محافظا للقاهرة
"لأنه وكعادة أي "وزير
يعرف كيفية معالجة الأمور
بالتصريحات
***********
يقال أن قطع التيار الكهربي عن الأحياء الشعبية
هي هواية مفضلة لدى وزير الكهرباء المصري
ويقول بعض المقربين منه
أنه وفي احتفاله بعيد ميلاده الستين
لم يطفئ شموعا كالعادة
بل أطفأ ستة أحياء بأكملها
Posts
8 comments:
كالعادة
بتجبرنا على الابتسامة الساخرة يا تشي
بس مش محافظ القاهرة بس يا فندم
تحياتي
والله يا تشى واضح ان المحافظين مقسمين الاختصاصات يعنى مثلا عندنا فى الزقازيق عندهم تخصص يقطعوا المية ساعة الفجر والناس
بتتحسر علشان لا حد يقوم يشرب او يتوضى
وفى القاهرة بيقطعوا الكهربا اممممم
انا بقول نعمل اتفتاء ونشوف باقى المحافظات اية الى بيحصل فيها
:KER: :KER:
هم يضحك وهم يبكي
اموت واعرف يا متر شريف بتجيب الكلام ده منين ؟؟
اوعى تقوللى من عند عم حسنين ..
:D
دمت بود
ههههههههههه
والله انت عسل
تعرف بتفكرنى بإيه ؟؟
احمد رجب فى نص كلمة زماااااااان
قال
مفروض يتم تغيير اسم وزير الكهرباء والطاقة ا
الى
مطفى الديار المصرية
هههههههههههههههههههه
قطع النور عن الناس عادة مصرية قديمة جدا قدم نهر النيل :))
كل سنة وانت طيب
هبة النيل
منورة با دكترة
والله حضرتك دايما بتحرجينى بذوقك العالى
وأكيد اكيد مش محافظ القاهرة بس
ده حتى محافظ البنك المركزي نفس الكلام
جيهان
أنا حاسس ان الحكاية دي سياسة والله
زي ماتقولى بيلهوا الناس شوية
عن مصايبهم
مش مهم قطع النور ولا الكهربا
اللى الحكومة دي بتعملوا انها بتقطع الارزاق
نورتى يافندم
رضوى
كركر دي ساعات بقولها تريقة
وشغل زغزغينى يافانلة
بس انا هفترض فيكي حسن النية
على العموم الكلام منشور في الجرايد
بس اللى يقرا بقى
او اللى يبقى غاوي حرقة دم زيي
نورتى
أحمد الصباغ
خالو أحمد الصباغ بنفسه
نزلت اهلا وحللت سهلا
تشبيهك العبد لله بالمتألق احمد رجب
يزيدنى شرفا
وان كنت لازلت تلميذا في مدرسة سخريته وقلمه
وحتى لو اختلفت معه في بعض الافكار
نورتنا ياباشا
ونتمنى دوام الزيارات
فوكسولوجي
طبعا مين يشهد لقطع النور غير الشيخ حسنى
نورت يا فللى
خالص والله ماتريقه ..
بس الكلام مستفز ..
ولاقيت ان الرمز ده انسب بصراحه
النور نورك (:
والله معاك حق
شوية يقطعوا النور وشوية الماياه مابتطلعش للدور الارضي
ومين عارف الدور علي ايه المرة اللي جاية
ربنا يسترها علينا
ملحوظة
تفتكر اللي عايش في الضلمة ومش لاقي ماياه يشرب ولا يستحمي وبيقف 3 ساعات يستني اتوبيس يوديه شغله ممكن يفكر في حاجة ينصلح بيها حال البلد؟؟؟؟؟؟
ياريت لو حد عرف يرد عليا
Post a Comment