Saturday, August 16, 2008

جمال ..رئيسا

جمال مبارك يزور قرية في بنى سويف

يرافقه عددا كبيرا من الوزراء والمحافظ وكبار المسئولين

تٌحاصر القرية ويٌِمنع رجالها من الذهاب للأراضي

أو فتح الدكاكين التى تدر عليهم قوت يومهم

وتمنع النساء حتى من نشر الغسيل

وبالطبع الطريق المؤدي للقرية مغلق لأجل مرور موكب سيادته

لن نسأل السؤال التقليدي الذي يسأله البعض

عن كينونة جمال مبارك الحكومية أو صفته في الدولة

ولكن السؤال

إذا كان كل هذا يحدث في حين تراوده أحلام الإرث الرئاسي

فماذا سيحدث حين يصبح رئيسا؟؟

10 comments:

Bella said...

وبعدين معاك ياعم انت

ههههههههههههههههه

اكيد طبعا لو بقى الرئيس اي حتة ح يفكر يروحها ح يهجروا سكانها لاي بلد مجاور

وهي دي يعني عايزة سؤال

لغاية ماييجي اليوم اللى نتهجر كلنا

هههههههههههههههههه

Mahmoud البطراوى said...

لا مهم بيعملوا كده عشان متحسش بفرق كبييييييييييييير

Anonymous said...

السياسى اللى مايقدرش يمشى فى السوق وسط الناس او يقعد على قهوة بلدى من غير حرس وامنجية وتعطيل شبكات المحمول .......يشوفلة شغلة تانية احسن . والمصريين مش ناقصين وجع قلب الغلاء يفترس الجميع واللى فينا مكفينا والجكاية مش ناقصة ريس "زهورات" او "ترينيى" عشان يتمرن فى اللى خلفونا ودمتم

Anonymous said...

السياسى اللى مايقدرش يمشى فى السوق وسط الناس او يقعد على قهوة بلدى من غير حرس وامنجية وتعطيل شبكات المحمول .......يشوفلة شغلة تانية احسن . والمصريين مش ناقصين وجع قلب الغلاء يفترس الجميع واللى فينا مكفينا والجكاية مش ناقصة ريس "زهورات" او "ترينيى" عشان يتمرن فى اللى خلفونا ودمتم

radwa said...

ماذا سيحدث لو اصبح رئيسا ؟

احم
كنت بقول انى جايه اسلم بس وماشيه

منور يا شريف باشا

سلام عليكم بقى

كلبوزة لكن سمباتيك said...

حين يصبح رئيسا

حيشدوا السيفون على اهل القرية




تحياتي

هشام علاء said...

ههههههه

عايز تعرف ايه اللى هيحصل لما يبقى رئيس

نفس السيناريو بالظبط و لكن الفرق انه رغم كل ما تم فعله مع هذه القرية سيجد السيد الرئيس جمال مبارك و بالصدفة اثناء مرور موكبه فلاح من فلاحى القرية البسطاء جالسا بجانب الترعة و سيبدأ السيد الرئيس بالقاء التحية عليه و يقول له الفلاح مرحبا ببساطة و دون خوف او تكلف:

اتفضل يا ريس

و سيتفضل الريس

و سيذهب مع الفلاح الى بيته و تقوم بنته (و ليست زوجته) بعمل الشاى للسيد الرئيس

و ستطالعنا الصحف القومية بتواصل الرئيس جمال مبارك مع اهل القرية و فرحتهم و احتفائهم به


هذا ما سيحدث يا عزيزيى عنما يصبح جيمى رئيسا لنا

الله لا يقدر و يجعل يومه قبل يومنا

قول امين

Che_wildwing said...

بيلا

ياااااااااه
فينك من زمان يا أستاذة
مش كنتى تقولى انك جاية عشان كنا نكلم حد من السادة المسئولين عشان التشريفة بتاعت سعادتك
على العموم انا عارف انك متواضعة ومابتحبيش الزيطة والمنظرة
بس برضه الناس مقامات


بالنوسبة لتعليق سيادتك
في ناس كتير فعلا نفسها تتهجر وتروح اي مصيبة
انا اعرف واحد هاجر السودان




د.حودة
وجهة نظرك معقولة برضه
عشان متحسش بفرق كبير
ناقص يقولوا عليه متواضع
بيمشى وسط الناس وهو ريس زي ماكان بيمشي وسطهم وهو ابن الريس




المجهول
نقدر نستفيد من كلامك ده ان مفيش سياسيين في مصر من الاساس



رضوى
اهلا وسهلا
المرة الجاية ابقى خلى بالك
وماتجيش في ميعاد زيارة جمال بيه




كلبوزة
افهم من كلامك ده
ان الصرف الصحي هيدخل الصعيد في عصر السيد جمال مبارك




هشام
منور ياريس هش
مش عارف انا شفت الفيلم اللى انت بتحكى عليه ده قبل كده فين
والله الناس بتوع امانة السياسات دول خيالهم واسع
بس مش كانوا جابوا للريس كازوزة بدل الشاي
يعنى الريس ييجي بيتى ومابعتش ابنى يجيب حاجة ساقعة
هو كان في زيارة للمنوفية ولا ايه
وبعدين متدعيش دعاء زي ده كده وسط الناس
مش معقولة دعاء زي ده يتحط
من غير ما الناس تدخل تقول آمين

Bella said...

تشريفة!!!

انت عايز الشعب يدعي على زي ماانا بادعي على اصحاب التشريفات

لا ياعم

مافيش احسن من الحياة بدون تشريفة

ههههههههههههههههههههههههههههههه

طيب ماتكلم لي صاحبك اللى راح السودان لو يعرف يجيب لي تاشيرة

الواحد عايز يهج في اي حتة والله

زهقنا بقى

بعدين انا موجودة

بس كنت وقعت على رجلي وممنوعة من القعدة على الكمبيوتر لان رجلي بتورم

وبادخل النت سرقة

هههههههههههههههه

Che_wildwing said...

بيلا
عارفة لو الناس بتحب ريسها
وحاسة ان في خطر عليه ولازم يأمنوا عليه كويس
ممكن الناس تقبل
لكن تبقى الناس بتكرهك وتكرهم فيك اكتر
يبقى ده شئ لا يطاق
بس عادي احنا مصريين وبنطيق كل حاجة
==================
نيجي لموضوع صاحبي
صاحبي ده بقى ياستي سافر مخصوص لما عرف ان اللحمة هناك رخيصة او الاكل عموما وكمان عرف ان الجنيه السودانى هيوصل لخمسة جنيه مصري
=================
الف سلامة عالحلوين ويارب الوحشين الرزلين التلمين المتبتين فوق كراسيهم
الا لا شفنا واحد اتكسرله رجل ولا ضرس حتى
تفتكري الناس دي بيعملوا ايه عشان يحافظوا على صحتهم
اكيد بياكلوا جبنة انكور
نورتى ياست هانم
ويارب نشوفك دايما ونسمع عنك كل خير