Monday, August 4, 2008

حكومة

من أهم إنجازات حكومتنا الذكية بالأمس
افتتاح السيد الرشيد وزير الصناعة مصنعا للنسيج بالبحيرة
وافتتاح السيد النظيف سلما كهربائيا لعبور المشاه في الإسكندرية
جدير بالذكر أن المصنع قد تم افتتاحه من قبل على يد محافظ البحيرة
والأجدر أن السلم الكهربائي تعطل بعد انتهاء الافتاح بساعة واحدة
فعلا تلك هي الحكومة الذكية
فبذكائها إستطاعت أن تقنعنا أنها
"حكومة"

5 comments:

tarek momen said...

بالنسبة لاعادة افتتاح مصنع النسيج ده عادي جدا و لامانع من افتتاحه مرة اخري عند تغيير المحافظ او الوزير
بل لامانع من اعادة افتتاح السد العالي و قناة السويسبصفتهم من انجازات الخطة الحالية للسيد الرئيس
وذلك طبعا لأننا شعب عنده زهايمر و بننسي بسرعة
العجيب انك مستغرب ان السلم الكهربائي تعطل بعد افتتاح السيد نظيف
طب مين قال لك انه معمول للمشاة
هو معمول علشان السيد نظيف يعدي عليه
ولو حب يعدي عليه تاني تلاقيه شغال
حاجة غريبة

radwa said...

متر شريف باشا بيك

مش لاقيتلك صوره للكلمات اللى حضرتك حطيتها

وش بيبص لفوووووق

Anonymous said...

استاذ تشي ويلدونج
انت مش هتيجي الحاره تانى

Anonymous said...

ازيك يا شيرى
h o w r u ?
شغل جامد يا مان
وياريت تستمر فى تقدم
(islam)

Che_wildwing said...

طارق مؤمن
انا برضه كان من رأيي ان السلم اشتغل اصلا عشان نظيف يعدي من عليه
لانى معرفش حد عدى من عليه غير نظيف وصحابه
وبعدين ان السلم يشتغل لما نظيف يعدي عليه تانى دي مش حاجة غريبة
خلى بالك ان نظيف كان وزير الكهربا في يوم من الايام
ولا تفتكر هو طول كده لوحده


رضوى
استاذة رضوى هانم
دوري تانى هتلاقى
ولو لا قيتى ياريت تعرفينى عشان الاغنية دي من اجمل الاغاني اللى بحبها




المجهول
بخصوص الحارة
فأنا نويت أعتزل اللعب هناك لوقت غير محدد ولظروف شخصية بحتة
لا يجوز الحديث فيها على الملأ
وما أقوله ليس قذفا في الحارة أو في ساكنيها وروادها
العيب من عندي انا



اسلام
الشغل بقى جامد لما انت جيت تزورنا يا اسلام باشا
نورتنا
ومتبقاش تقطع بينا