Monday, July 28, 2008

لا تصدق

بعد التغييرات التى طرأت في عصرنا المباركي
فأصبحنا نقرأ أخبار الثانوية العامة على صفحات الحوادث
يمكننا أن نقرأ عن أحكام القضاء
"وخاصة بعد أحكام بنى مزار والدم الفاسد والعبارة"
في باب صدق أو لا تصدق
******
تعلمنا في مدرسة القانون
أن القضاء ينقسم إلى
قضاء إدارى ....قضاء مدني ....قضاء جنائي
ومن ضمن التقسيمات الجديدة للقضاء
ما نفتخر به ونطلق عليه القضاء العادل
وما نخشاه ونسأل الله رده وهو
قضاء العادلى
***********
أيهما أسرع
سرعة خروج ممدوح اسماعيل من مصر قبل القاء القبض عليه
أم سرعة خروج القاضي من قاعة المحكمة بعد القاء حكم براءة ممدوح اسماعيل
********
كان الأمس كئيبا
بدأ بخبر تبرئة ممدوح اسماعيل وولده
ثم أعلنت وفاة يوسف شاهين
لكن المصريين رفضوا أن يستسلموا لليأس والحزن
وذهب الجميع ليشاهد مباراة الأهلى والزمالك

فلتتخيل معي كيف كان حال الزملكاوية

6 comments:

كلبوزة لكن سمباتيك said...

الزملكاوية كانت ضلمة عندهم طبعا

بس ما انا اهلاوية و كانت ليلة كئيبة عليا برضه
حسيت ان روحي و روح اولادي متسويش حاجة في بلدي و ان في جنس تاني من البشر هو اللي دايس على رقبتي


اه يا قلبي
تحياتي

Foxology said...

بما انى زملكاوى احب اقولك انى اتفرجت على الماتش فى قمة الهدوء واالبرود عادى جدا مش تعود على الهزيمة لكن بجد حال الزمالك عامل زى حال مصر ... صمت وانكسار وراء انكسار وتعود على الهزيمة

مش عارف انا تخيلت فريق الزمالك كدة

tarek momen said...

يمكنك ان تقرا ايضا
في باب عجائب و غرائب
يتميز كل من السلحفاة و حكام العالم
العربي بالبطء الشديد و العمر المديد

بالنسبة للقضا علي راي المثل
قضا اخف من قضا

بالنسبة للزمالك و بصفتي زملكاوي
اؤيد راي الصديق فوكس الحكيم

Empress appy said...

احنا اللى بيحكمنا قضاء الله وقدرة
انما احنا معندناش غير العادلى ومرعى بس

هشام علاء said...

عزيزى

ممدوح اسماعيل خرج من مصر فى وقت اسرع من كتاتبتك البوست ده نفسه و ربما اسرع من كتابتى لهذا التعليق

اما عن الزملكاوية و حالهم

احب اسأل

هو لسه اصلا فيه زملكاوية؟

Che_wildwing said...

كلبوزة لكن سمباتيك
احمدي ربونا على نعمة الاهلى
الاهلى هو الحاجة الوحيدة اللى فاضلة تفرح في البلد دي
منورانى يافندم ونتمنى دوام الزيارات


فوكسولوجي
كان نفسي ارد عليك من بدري
بس اسمك خد وقت عقبال ما اتكتب بالعربي
جميل تشبيهك بين حال الزمالك وحال البلد
بس حتى الزمالك بيغير الريس
منورنى ويارب دايما
على فكرة عم مجاهد لسه عايش وكان عايز يتجوز في حسن ومرقص


طارق مؤمن
ياسيدي الفاضل
السحلفاة من الزواحف
الحكام العرب من المتسلقين
القضاء ده مش اكتر من قضاء على امال الاحرار في البلد دي

منورنى كالعادة يااستاذنا



آبي
قضاء الله نسأل الله اللطف فيه
وقضاء كهذا نسأل الله أن يرده "ردت الميه في زوره"
نورتينى ياصاحبة الكوكب التدوينى الجميل



هشام
ههههههه
تقصد بقى خرج بالبلوتووث
وبالنسبة لسؤالك
فأحب اجاوبك
بسم الله الرحمن الرحيم
الاجابة
أيوه لسه فيه زملكاوية
وانا واحد منهم
"وش واحد حاطط ايده على خده "
منور ياصديقى