Tuesday, June 3, 2008

اجراءات

البديل تعثر علي خطابات لمساعدي الوزير تخص الأمن العام وأمن الدولة
وخطط تأمين رؤساء جمهورية وقوات حفظ السلام
وتحذير من عمليات إرهابية
كل هذا في وريقات كانت تغلف الطعمية عند أحد بائعيها بالقاهرة
بكل تأكيد ستبحث وزارة الداخلية اجراءات ما لمنع حدوث هذه المهزلة مرة أخرى
بمنع تغليف الطعمية إلا بأوراق بيضاء حفاظا على صحة المواطنين
أو منع الصحفيين من أكل الطعمية

5 comments:

hesham said...

هههههههههه

و زيادة فى احتياطات الامن فقد قررت وزارة الداخلية استخدام نوع جديد من الحبر فى كتابة مراسلاتها و يتوفر فى هذا الحبر ميزة خطيرة جدا حيث انه يتبخر و يزول من الاوراق
.
.
.
فور اختلاطه بزيت القلية


تحياتى
هش

Anonymous said...

الطعمية بحسب ما سمعت هى العمود الفقرى لأكل المحبوسين فى الأقسام

tarek momen said...

يصدر قرار رئاسي بمنع قلي و تداول و اكل الطعمية ويطبق علي المخالفين قانون الطوارئ لحين صدور قانون الأرهاب
الله يبشبش الطوبة اللي تحت راس الحاكم بامر الله الفاطمي اصله منع اكل الملوخية علشان اكتشف ان البياعين بيلفوها في اوراق المراسيم السلطانية
هاهاهاهاه

كلام على بلاطة said...

مفيش مشاكل الداخلية ترمى اوراقها
فى الحتة اللى تعجبها
حتى لو كان فى مطعم
فيه اعتراض
فيه

Che_wildwing said...

هشام
المشكلة ان بتوع الطعمية مابيقلوش بزيت قلية
وبيقلوا بزيت العربيات


المجهول
أنا اللى اعرفه انه عيش وحلاوة


طارق مؤمن
على طول عمرنا ستتكر المآسي والمهازل بنفس الطريقة
وعلى رأي المثل ما أسخم من سيدي الا ستى



كلام على بلاطة
انا معنديش اعتراض يافندم
حاشا وماشا
اعتراض ايه
دول الداخلية