Wednesday, May 28, 2008

وزير

هناك أسئلة في مصر لا إجابة عليها
فمثلا
أين اختفى التمساح الذي أثار الذعر العام الماضي
كيف انتهى أمر سفاح المعادي لو كان انتهى
ومن سرق الونش من ميدان التحرير
ولماذا أختير يوسف بطرس غالى وزيرا ؟؟؟؟

9 comments:

Anonymous said...

Che عزيزى

أرجوك أن تسأل أسئلة سهلة حتى نستطيع الاجابة ؟

شرفنى مرورك بمدونتى

tarek momen said...

1- التمساح في الحفظ و الصون لكي يخرجوه ليثير الذعر العام القادم
2- انتهي امر السفاحلأنه يأس من جذب انتباه الشرطة حيث انها متفرغة لمطاردة القلة المندسة
3=الذي سرق الونش من ميدان التحرير هو من يستعد حاليا لسرقة ميدان التحرير بذاته بعد ان اطمان انه لن يهتم احد
4= اختير المذكور وزيرا لأنه لا يصلح لأي عمل اخر

اهو ده عيبه said...

سؤال غريب مجاوبش عليه

من امتى كان فيه فى حياتنا اجابات شافيه لكل الاسئلة اللى بتدور فى عقلنا

تحياتى لك

Bella said...

الاسئلة صعبة قوي خالص جدا

طيب ممكن يااستاذ اخد عندك درس خصوصي وتحل معايا نماج اسئلة كتيرة علشان اعرف اجاوب

هههههههههههههههههه

ده سؤال غالي لوحده محتاج ملحق

Che_wildwing said...

شريف
الأسئلة دي في مستوى الطاب المتوسط وجت في كتاب النماذج
قلتلك 100 مرة متذاكرش من سلاح التلميذ
نورت يافندم


طارق مؤمن
هي دي اللى يتقال عليها اجابات نموذجية


اهو ده عيبه
فعلا الاجابات صعبة
والاصعب انك تعرفيها
زي ما الحكمة بتقول
اعرف اكتر تتعب اكتر



بيلا
درس خصوصى شوف الناس اللى بتفهم
اهو انا حاطط الاسئلة دي مخصوص عشان الطلبة تتعقد وتيجي تاخد درس عندي
اطمنى كل الكلام ده هيتقال في الدرس والملحق بتاع غالى هنوزعه مجانا

هشام علاء said...

انا مش عارف الناس متذمرة من صعوبة الاسئلة ليه مع انها سهلة خالص


بالنسبة للتمساح؟
ماكنش فيه تمساح اصلا ..دى اشاعة مغرضة روجها محبى الاثارة المشكلة كانت بسبب علبة عسل نحل التمساح و اتحلت خلاص بعد تبرع احد عابرى السبيل بدفع ثمن علبة عسل النحل حفاظا على الوحدة الوطنية

بالنسبة لسفاح المعادى؟
لم تنتهى حكايته بعد بل توقفت قليلا لحين عودته من اجازته السنوية

بالنسبة للونش؟
تم اعثور على اجزاء منه و جارى تجميع الباقى

بالنسبة ليوسف؟
لا تسألو عن اشيا ان بدت لكم..تسوءكم


ماعندكش اسئلة اصعب من كده
هههههههه

نلتقى بعد الفاصل

هش
مش هتقدر ماتسيبش كومنت

ana ga3an said...

شوف يا استاذنا
لقد سالت عن عظيم
واني لمجاوبك
بالنسبة للتمساح
هو رجع جنينة الحيوانات بعد ان انتهت مدة اعارتة للمعادي

سفاح المعادي
اخر لما غلبو معاة طلعة اشاعة انة مات في عمارة الاسكندرية

بالنوسبة للسيد الوزير بطرس
فهو كان انسب واحد للمالية
نظرا لان عائلة غالي ليها خبرة طويلة في التعامل مع الفلوس
علي عكس باقي الزرا اللي دخلو الوزارة جعانين
هذا و بالله التوفيق

ana ga3an said...

اة نسيت
الونش
الونش مدخلش مصر اساسا
هو دخل علي الورق بس
من مصدر موثوق بة

Che_wildwing said...

هشام
نورت
فعلا مع هش مش هتقدر ما تستخسخش على روحك

الجعان
اجابات جديرة بالنظر
استنى النتيجة يوم 10 / 6
نورت