Saturday, March 29, 2008

إنسى ياعمرو

في الجلسة الافتتاحية للقمة العربية المنعقدة في دمشق
عمرو موسى يحاول أن يضع الحلول
لمشكلة فلسطين ولبنان
لم يكتف
وزاد العراق والصومال والسودان
...إنسى
إنسى ياعمرو
**********
في بلادنا
تستطيع أن تخمن عدد القتلى في طوابير الخبز
بعدد سيارات مواكب الوزراء في الشوارع
***********
رغبة منها في الترويح عن المصريين في الصيف القادم
إيناس الدغيدي تنوى مفاجأة جمهورها
بقناة جديدة تبثها عبر القمر الصناعى
"تحت إسم "الجريئة
تتبع تمويلا سريا من كبار رجال الأعمال
بعد مجهودات مضنية منها لإقناعهم بالأمر
أقترح على السيدة إيناس إسم
"اللبؤة المتمردة"
.
.
.
.
اسم القناة طبعا

4 comments:

Bella said...

كل دي كلمة ابرك من عشرة
حرام عليك

مش كفاية الواحد عمال يشوف في كلمات الزعماء العرب درر خصوصا الكلمة المعجزة للرئيس الشاب معمر القذافي

بس مالحقتش اشوف كلمة سي عمرو موسى

ياللا

خيرها في غيرها
القمة الجاية بقى وعليك خير نبقى نسمعها
ماهو كل قمة بتشبه اللى بعدها واللى قبلها لدرجة ان الواحد اسهل له يجيب ارشيف اي قناة او موقع اخباري ويقرا ودمتم

اما بقى الست ايناس وقناتها الجريئة فربنا يحميها يارب

القناة طبعا

ايوة كده الاستثمار والا فلا

ههههههههههههههههههههه

خللى الشعب يهيص

يادي النيلة
الناس ح تلاقيها منين ولا منين

اشمعنى الفلوس مابتطلعش غير على المصايب دي

عالم تستاهل الحرق في نار جهنم

بطوط حبوب said...

لو ممكن تغيير على الاسم الذى اقترحته ليكون اسم القناه بتاع ايناس
اقترح حذف كلمه "الجريئه"
اظن هيكون المعنى اوضح - طبعا اقصد القناه

مصطفي النجار said...

يا حمادة هو في لبؤة - مراة اسد - يعني
مش جريئة
لا طبعا اكيد جريئة
وبجحة وكل حاجة
عموما
قشطة عليك
وعلي خفة دمك
اللي بموت فيها

Che_wildwing said...

بيلا
منورة الدنيا
نعتذر عن الاطالة وازعاج حضرة جناب سعادتك
وبخصوص تفويتك لكلمة عمرو موسى
متقلقيش
اتفرجي عالقمة الجاية هتلاقيها هي هي
ول مستعجلة ممكن تتفرجى عالقمة اللى فاتت
بس فعلا القذافي أبدع
كفاية إنه راجل بيجيب من الاخر


د.حودة
طبعا كلنا نقصد القناة
يسعدنى تواجدك ومتابعتك للغاية

د.مصطفى
إيه النور ده نزلت أهلا وحللت سهلا
قشطة عليك انت
أنا الحمد لله كل اللى عليا دفعته
وبعدين أنا مختلف معاك
مش كل لبؤة جريئة ومش كل جريئة إيناس
هارش؟؟؟؟؟