Sunday, November 25, 2007

المضللون

وزارة العدل تقول أن مشروعها الجديد تشاوري ومبدئي
وتلجأ لأخذ الآراء من الهيئات القضائية
كل من درس القانون يعرف مايلى
اللجوء لأخذ رأي مجلس الهيئات القضائية لا يتم إلا بعد موافقة الوزارة والحكومة علي مشروع القانون
وشيئا آخر
إذا قامت الوزارة بتعديل المشروع بعد عرضه علي مجالس الهيئات
فكأنها صاغت مشروعا جديدا
ويتعين عليها أن تستطلع رأي الهيئات القضائية مرة أخرى
إذن سؤال
ما اللذي تفعله وزارة العدل ؟
تمارس تضليلا للقضاة
سؤال آخر
ما اللذي يدفعها للتضلليل ؟
القضاء على استقلالية السلطة القضائية
سؤال آخير
ما الهدف اللذي تنشده حكومة من القضاء على السلطة القضائية ؟
اجابة في كلمتين
جمال مبارك

10 comments:

kemo said...

تشي
بقالى كتير مجتش عندك
بس رجعت على كلمة حلوة برضه
دايما انت كده بتجيب الخلاصة يامان
على فكرة الموضوع ده حصل فيه رغي كتير جدا
والواحد معدش مستحمل يعملوا حاجة تانية في القضاة
بعد اللى عملوه في باقي الناس
اللى فوق بيشتكي واللى تحت بيشتكي
امتى بقى نخلص يارب

ابو صهيب ( الجمعاوي الاصيل)سابقاً said...

بس ياباشا
نحن نعلم جميعاً ان حكوماتنا
لا تستطيع ان تكشف كل اوراقها على التربيزة وذلك لانها لا تجيد الا اللعب غير النظيف والتضليل وتزييف الحقائق وهي تعمل على تكميم الافواه
حسبنا الله ونعم الوكيل

cartoooch said...

رفيق تأخرت عليك كثيرا في التعليق لكن لا تعليق اصلا فأنت قلت كلمة ابرك من عشرة وانت قولت الكلمة وانا شايف ان العشرة مش هيضيفوا حاجة


استقلال القضاء ، السلطة القضائية المستقلة
مفاهيم تطبق عندنا بنفس طريقة الدعم
بالظبط

Che_wildwing said...

كيمو نورت من تانى
عندك حق
مفيش حاجة تانية يعملوها في القضاء
مش فاضل غير ان هم يلغوه رسميا
بعد ما لغوه في الباطن
السجون مليئة بالمسجونين الحاملين لاحكام قضائية تقضي بالبراءة
والقضاة يسحلون في الشوارع


جمعاوي بك
انت شايف ان اللعبة مش عالمكشوف بس هى عالمكشوف وعالمفتشر
هما عارفين ان ان احنا عارفين كل حاجة
بس دول اللى بيقولوا عليهم ناس تخاف متختشيش


كارتوووووش
حلوة قوي التشبيه بطريقة الدعم
بعد كده هتطلع شعارات تقول ان القضاء العادل يجب أن يصل لمستحقيه

ابو صهيب ( الجمعاوي الاصيل)سابقاً said...

باشا


لو بيدور في دماغك سؤال مهم

هو الجيش العربي فين


عاوز تعرف

هو فين

تعالى مدونة ميخا وانت تعرف

cartoooch said...

ههههههههههههههههههههههههه

بس مستحقيه ازاي يعني ؟

هبة النيـــــل said...

الرفيق الغالي

ان القضاء على السلطات الفرعية

كالسلطة القضائية

واستقلال الجامعات

من الخطوط الواضحة للحكومة المستقبلية ان شاء الله

شكرا لك أيها الرفيق الغالي

كلمة أبرك من عشرة

هي أفضل كلمة نقرأها كل صباح

Anonymous said...

بجد يا استاذ تشى المدونه بتاعتك اكثر من روعه
وانا بعبرلك عن مدى اعجابى بكل مافيها من تعليقات وموضوعات وصور
ويمكن دى من اكتر المدونات اللى شدت انتباهى وكملت قرايتها

Anonymous said...

ده اللى احنا دايما بنتوقعه منك
وانت دايما بتطلع عند حسن ظنا بيك ويمكن بتفوقه

Che_wildwing said...

كارتووش
مستحقي القضاء هم أصحاب السلطة هم من تنفذ الأحكام القضائية لحسابهم أو لا تنفذ أيضا لحسابهم
على عكس المظاليم المحكوم ببرائتهم دون تنفيذ الأحكام


رواء الروح
نورتي
أحلى حاجة انك قدمتى المشيئة
والأحلى أنك لم تتنازلى عن عادتك في رفع المعنويات
اللهم دمها علي نعمة


ملكة زمانك
بجد مبسوط ان المدونة عجبتك
ومستنيكي تانى تيجي تزورينا
وتبقى زبونة أقصد متابعة للمدونة